Skip to content

Loja

Matadalan permakultura ba trópiku – kompletu

1,151 pájina

Livru Matadalan Permakultura Trópiku maka rekursu ida-ne’ebé komprensivu tebes husi dezeñu permakultura, soberania ai-han no estratéjia ba rejenerasaun ambientál. liután

Livru kompletu ne’e iha medida rua:
84MB (koneksaun internet fraku)
177MB (koneksaun internet lalais)

Livru Matadalan Permakultura Trópiku maka rekursu ida-ne’ebé komprensivu tebes husi dezeñu permakultura, soberania ai-han no estratéjia ba rejenerasaun ambientál.

Ne’e kria modelu dezeñu permakultura husi perspetiva komunidade típiku ida nian, hafoin sei fornese detallu kona-ba oinsá atu atinje ida-ne’e ho téknika detalle tuir pasu-ba-pasu bazeia liafuan no imajen sira.

Livru matadalan ne’e fahe ba temátiku volume tolu, ne’ebé fasil atu lee no halo referénsia.

Kada volume iha tabela konteúdu, liafuan maklokek, introdusaun, kapítulu neen, glosáriu no seksaun referénsia nian. Favor lee oinsá atu utiliza pájina livru nian ka volume no kapítulu deskrisaun hodi hetan informasaun ne’ebé detallu liután.

Kapítulu no volume hamutuk kria matadalan kompletu hodi komprende permakultura no oinsá bele utiliza ba aspetu moris hotu. Ninia kontestu maka trópiku maibé maioria husi informasaun sira bele fasil atu adopta ba klima no kultura seluk.

Ami nia pontu xave no vizaun husi livru matadalan ida-ne’e mak atu fasilita ema se-de’it bele utiliza koñesimentu pratika sira, liuliu ema kiak sira no komunidade sira-ne’ebé vulneravel. Iha ninia testu ne’ebé simples kombina ho ilustrasaun detallu 2000 liu ne’ebé halo fasil ba leitór sira ho literasia ki’ik atu komprende no uza livru matadalan ne’e hanesan instrumentu literasia nian ida.

Ami mós hanoin kritiku katak mudansa klimátika ne’e sei harahun area trópiku sira no atu liu ba area ne’ebé vulneravel liu. Livru matadalan ida-ne’e bele ajuda kria estilu moris ida-ne’ebé kontribui ba rejenerasaun ambientál no fó rezilénsia no pro-ativu atu adapta ba mudansa klimátika no ita-nia dezafiu global sira seluk.

Volume 1: Permakultura no ema – 317 pájina

  • Kp 1: Étika no prinsípiu permakultura
  • Kp 2: Forma naturál
  • Kp 3: Dezeñu estratéjia no téknika permakultura
  • Kp 4: Permakultura urbana no komunidade
  • Kp 5: Kooperativa
  • Kp 6: Matadalan treinadór nian

Volume 2: Uma no kintál – 389 pájina

  • Kp 7: Uma, bee no enerjia
  • Kp 8: Hahán, saúde no nutrisaun
  • Kp 9: Rai
  • Kp 10: Kintál família
  • Kp 11: Fini no propagasaun
  • Kp 12: Viveiru ai-horis

Volume 3: Agrikultura sustentável – 445 pájina

  • Kp 13: Agrikultura sustentável
  • Kp 14: Jestaun peste integradu (JPI)
  • Kp 15: Ai-horis
  • Kp 16: Au
  • Kp 17: Animál sira
  • Kp 18: Akuakultura
Cart
Back To Top